2019-06-22 [12:41 PM]

لەگەڵ ھاتنی شەپۆڵی گەرما شوفێران ناچارن پەنا بۆ فێنکەرەوەی ئۆتۆمبێلەکانیان ببەن بۆ ئەوەی لەم گەرمایە رزگاریان بێت . 

بەڵام ئەوەی جێ سەرنجە لەگەڵ ئیش پێکردنی فێنکەرەوەی ناو ئۆتۆمبێل ، دوو بژاردەت دەکەوێتە پێش ، یەکێکیان ئایا ھەوای دەرەوە بێتە ژوورەوە یاخود تەنھا پشت بە ھەوای ناوەوەی ئۆتۆمبێلەکەت دەبەستیت. 

پسپۆڕانی بواری فێنکەرەوەی ئۆتۆمبێل دەڵێن ، ئەگەر گەشتەکە بۆ مەودایەکی کورت بوو و تەنھا لە ناو شار بوویت ئەوا لەکاتی ھەڵکردنی فێنکەرەوە پشت بەھەوای ناو ئۆتۆمبێل ببەستە . 
بەڵام ئەگەر گەشتەکەت مەودا درێژ بوو و لەشارێک بۆ شارێکی دیکەبوو ئەوا واباشترە رێگە بدەیت ھەوای دەرەوە بێتە ناو ئۆتۆمبێلەکەت، چونکە بڕێکی زیاتر ئۆکسجین لەگەڵ خۆی دەھێنێت و سوودی زیاتری بۆ شوفێر و سەرنشینان دەبێت.

یاسین ئەحمەد