2019-03-14 [11:01 AM]

وێنەی سەگێگ لە تۆڕەکۆمەڵایەتییەکان بڵاوبووەتەوە، قەبارەکەی ھەمووانی تووشی سەرسووڕمان کردووە، چونکە قەبارەیەکی زەبەلاحی ھەیە.

سەگەکە ناوی (یوکیە) لە ویلایەتی فلۆریدای ولایەتە یەکگرتووەکانی ئەمریکایە، ئەو سەگە لە خانەی بێسەرپەرشتانی ئاژەڵانە و نەخۆشە، لە ساڵی ٢٠٠٨ پشکنینی (DNA) بۆ ئەنجامدرا، دەرکەوت لە ٨٧.٥% گورگە، ٨.٦% سەگی ھۆسکی سیبیریە و ٣.٩% سەگی شیبردە ئەڵمانییە.

ھەروەک لە وێنەکەدا دەردەکەوێت قەبارەی سەگەکە دوو ھێندەی قەبارەی یەکێک لە کارمەندەکانی خانەی بێسەرپەرشتانە، جیناتی ئەو سەگە لەگەڵ گورگ تێکەڵە، ئێستا خانەی ئاژەڵانی بێسەرپەرشت ئەو سەگە بە کەس نادەن، چونکە تەمەنی ١٢ ساڵە و نەخۆشییەکەی چارەسەری نییە.