2019-01-27 [12:01 PM]

زۆرینەی خەڵکی رووبەرووی ئەو کێشەیە بوونەتەوە کە لەکاتی وەزری زستان بارگاوی مۆبایلەکانیان زوو دادەبەزێت و دەبێتە کێشە بۆیان . 

بۆ زاڵ بەسەر ئەم کێشەیە پێگەی فۆکسی لینۆز چەند ئامۆژگاریەک دەخاتە روو بۆ ئەوەی لە وەرزی زستان پارێزگاری لە پاتری مۆبایلەکانتان بکەن. 
پێگەی فۆکسی نووسیوویەتی، لە کاتی سەرما و دوای دەرچوونتان لە ماڵ با مۆبیلەکانتان لە ناو یەکێک لە گیرفانەکانتان بێت و نزیک بێت لە لەشت بۆ ئەوەی گەرمی لەشت سوود بە مۆبایلەکە بگەینێت، ھەروەھا وا باشترە ئافرەتان مۆبایلەکانیان لە ناو جانتا ھەڵنەگرن چونکە زووتر سارد دەبێت. 

ھەروەھا پێگەکە باس لەوە دەکات، تا پێتان دەکرێت لە شوێنە کراوەکان مۆبایل بەکار مەھێنن بەڵکو لە ژوورەکان و ناو فەرمانگە و پاسەکان مۆبایل بەکار بھێنن. 

ھەروەھا بۆ ئەوانەی بە نیازی گەشتن لە زستاندا وا باشترە پێش ئەوەی دەرچن لە ماڵ با مۆبایلەکانتان تەواو بارگاوی بێت و ھەروەھا شاحینەی تایبەتی مۆبایلەکانتان لەگەڵ خۆتان ببەن بۆ ئەوەی بتوانی بە ئاسانی مۆبایلەکەت بارگاوی بکەیتەوە. 

یاسین ئەحمەد