2018-10-24 [03:59 AM]

ھەرچەندە پیشەی مامۆستایەتی پیشەیەکی پیرۆزە و ئەرکی مامۆستا ئەوەیە منداڵان بە باشترین شێوە پەروەردە بکات ، بەڵام ھەندێک جار کارەکە پێچەوانە دەبێتەوە و مامۆستایەکە دەبێتە کەسێکی لادەر. 

ستیڤانی بیتەرسۆن مامۆستایەکی کچی ئەمەریکیە و تەمەنی ٢٧ ساڵە لە یەکێک لە قوتابخانەکانی ولایەتی فلۆریدای ئەمەریکی کاردەکات ولە ئێستادا دەستگیر کراوە بە تۆمەتی دەستدرێژی سێکسی . 

ستیڤانی لەلایەن پۆلیسی ولایەتی فلۆریدا دەستگیر کراوە، دوای ئەوەی ئاشکرا بوو کە پەیوەندی سێکسی لەگەڵ یەکێک لە قوتابیەکانی خۆی ھەیە و تەمەنی کوڕەکە تەنھا ١٤ ساڵە. 

ئەم پەیوەندییە ئەو کاتە ئاشکرابوو کاتێک کوڕەکە لەلای دایکی باسی پەیوەندییەکە دەکات و دایکیشی پۆلیسی لێ ئاگادار دەکاتەوە  . 

لە ئێستادا ستیڤانی دادگایی دەکرێت بە تۆمەتی دەستدرێژی کردنە سەر کەسێکی ھەرزەکار و بەپێی یاسای ئەمەریکا لەوانەیە لە نێوان ٥ – ١٠ ساڵ زیندانی بکرێت . 

یاسین ئەحمەد 
سەرچاوە| پێگەی رۆتانا