2018-09-01 [10:02 AM]

عەبدولقەھار زاخۆیی، ڕوونکردنەوەیەکی لەبارەی ژمارەیەک پەیج و ھەژماری تۆڕە کۆمەڵایەتییەکان بڵاو کردەوە.

ھونەرمەندی کورد، عەبدولقەھار زاخۆی، ڕوونکردنەوەیەکی بڵاو کردووەتەوە و ڕەتی کردووەتەوە، کە خاوەنی پەیج و ھەژماری تایبەتیی خۆی بێت لە تۆڕە کۆمەڵایەتییەکاندا، ئەو دەڵێت: "ئەوانەی لەگەڵ ئێوە گفتوگۆ دەکەن لە نێو تۆڕە کۆمەڵایەتییەکاندا من نیم، ھیوادارم خوشک و براکانم ئەوە بزانن".

ئاماژەی بەوەش کردووە، ناونیشانی ئەو ھەژمارەی کە لە ناو ڤیدیۆکەدا نووسراوە، ئەوە ھەژمارێکی فەرمییە و برایەکی بە ناوی (سیامەند) بەڕێوەی دەبات.

عەبدولقەھار زاخۆیی، یەکێکە لە ھونەرمەندە دیارەکانی کوردستان بەگشتی و بادینان بەتایبەتی، لە ساڵانی نەوەدەکانی سەدەی ڕابردوودا دەستی بە کاری ھونەری کردووە، خاوەنی چەندین ئەلبوومی گۆرانی و ڤیدیۆ کلیپە.