2018-07-30 [03:03 AM]

زانایانی فەلەکناسی لە دامەزراوەی بۆشایی ئاسمانی ئەمەریکی (ناسا) ئەو دەنگەیانە تۆمار کرد کە لە خۆرەوە دەردەچێت . 

لەمبارەیەوە ئەلیکس یۆنگ بەڕێوەبەری بەشی فیزیا لە ناسا دەڵێت ، لە کاتی جولەی ھەر تەنێک , شەپۆڵەکانی دەنگ جولە دەکەن و ئەمەش لەسەر خۆر جێ بەجێ دەبێت . 

ناسا ئەو دەنگانەی بڵاوکردۆتەوە کە لە خۆرەوە دەردەچن و وەک دەنگی کەشتیەک وایە کە لە دوورەوە دێت . 

دامەزراوەی ناسا ماوەی ٢٠ ساڵە ئەو دەنگانە کۆدەکاتەوە کە لە  بەرگی خۆرەوە دەردەچن و پاش لێکۆڵینەوەیەکی زۆر گەیشتنە ئەو دەنگەی کە لەخۆرەوە دەردەچێت . 

ھەروەھا یۆنگ رایگەیاند : ئەو شەپۆڵە دەنگیانەی لە خۆرەوە دەردەچن یارمەتیدەرن بۆ ئەوەی لە ناخی خۆر تێبگەین ، چونکە لە توانامان نییە زۆر لەخۆر نزیک ببینەوە , لەبەر ئەمە پەنا دەبەینە بەر دەنگ بۆ تێگەیشتن لە خۆر . 

یاسین ئەحمەد