2018-05-27 [07:31 AM]

سامان عومەر، گۆرانیبێژی کورد، بە مەبەستی سازکردنی زنجیرەیەک ئاھەنگ و کۆنسێرتی جەماوەری گەڕاوەتەوە ھەرێمی کوردستان.

لە گرتەیەکی ڤیدیۆییدا، سامان نوێترین پڕۆژەی ھونەریی خۆی ئاشکرا کردووە و ئاماژە بەوە دەکات، کە ئێستا گەڕاوەتەوە ھەرێمی کوردستان و لە شاری سلێمانییە، دەشڵێت: "بەم زوانە زنجیرەیەک ئاھەنگ و کۆنسێرت لە شارە جیاوازەکانی ھەرێمی کوردستان ساز دەکەم".

ئەو گۆرانیبێژە  چەند ساڵێکە لە  فیلەندا دەژی، زیاتر خەریکی ئاھەنگ و کۆنسێرتی جەماوەرییە. 

سامان عومەر، برای کامەران و نەریمان عومەرە، کە ھەرسێکیان لە بواری ھونەریدا کار دەکەن، خاوەنی چەندین ڤیدیۆ کلیپ و ئەلبوومی گۆرانین.