 |
|
|||
ZNA - هه‌ولێر ئه‌مه‌ش ده‌قی ڕوونكردنه‌وه‌كه‌یه: دوای ئەوەی لەلایەن کەسێکەوە گرتە ڤیدیۆیەک لە تۆڕی کۆمەڵایەتی فیسبووک بڵاوكراوەتەوه گوایە شارەوانیمان پارچە زەویەکی سەوزایی دابەشکردووە. لێرەوە وەک سەرۆکایەتی شارەوانی هەولێر ڕایدەگەیەنین سەر لەبەری ئەم هەواڵ و زانیاریانە دوورن لە ڕاستیەوە هیچ بنەمایەکی نیە وە ئەو زەوییەی ئەو بەڕێزە باسی دەکات زەویەکی نیشتەجێی هاوڵاتیان بووە و لەناو بلۆکێکی نیشتەجێ هەروەها وێنەی تۆماریان بەناوی هاوڵاتیان خۆیان بووەو بڕیاری دادگایان هه بووه وه لەلایەن هاوڵاتیانی دەوروبەری زێدەڕۆیی کراوەتە سەر، بۆیە هەموو ئەو زانیاریە چەواشەکاریە ڕەت دەکەینەوە و پێویست بوو ئەو بەڕێزە ووردتر هەڵوەستەی لەسەر ئەم بابەتە کردبا بە بەڵگەو دیکیۆمێنت قسەکانی پشتڕاست کردبایەوە نەوەک تاک لایەنە هەواڵ و زانیاری نادروست و هەڵە بڵاو بكاتەوه . وە لێرەوە بە هاوڵاتیانی خۆشەویستی خۆمان ڕادەگەیەنین سەرۆکایەتی شارەوانیمان بەردەوام دەبێت لە خزمەتکردن و پرؤسەى ئاوەدانی شەکرە شار و دانیشتوانەکەی .
سەرۆکایەتی شارەوانی هەولێر 2024/3/2 ئەم هەواڵە 1012جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad