 |
|
|||
ZNA-هەولێر وتەبێژی پۆلیسی ئیدارەی سەربەخۆی زاخۆ رایگەیاند، کە لەبەردەم قوتابخانە شەڕ لەنێوان دوو قوتابیی دروست بوو و لە ئەنجامدا یەكێكیان ئەوی دیكەی بە چەقۆ كوشت.رائید ئەحمەد رەمەزان، وتەبێژی پۆلیسی ئیدارەی سەربەخۆی زاخۆ، بە ئاژانسی هەواڵی زاگرۆسی راگەیاند: "کاتژمێر(4:30)ی ئێوارەی دووشەممە لە گەڕەکی عەباسیکی سەنتەری ئیدارەی سەربەخۆی زاخۆ دوو مێردمنداڵ بووەتە شەڕیان و پاشان یەکێکیان چەقۆی بەكارهێناوە و ئەوی دیكەی بە چەقۆ كوشتووە."وتەبێژی پۆلیسی ئیدارەی سەربەخۆی زاخۆ گووتی: " ئه‌و کەسەی گیانی لەدەست داوە، تەمەنی 16 ساڵه و ته‌رمه‌كه‌ی ڕه‌وانه‌ی پزیشكی دادی زاخۆ كراوه و فه‌رمانی ده‌ستگیركردنیش بۆ بكوژ ده‌رچووه."هەروەها رائید ئەحمەد رەمەزان، وتەبێژی پۆلیسی ئیدارەی سەربەخۆی زاخۆ ئەوەشی بۆ ئاژانسی هەواڵی زاگرۆس خستەروو، کە كوژراوەكە ناوی ئەحمەدە و بكوژیش هاوڕێی بووە لە هەمان قوتابخانە قوتابی بوونە و لە كاتی هاتنە دەرەوەیان لە قوتابخانە بووەتە شەڕیان.
رێباز یونسئەم هەواڵە 367جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad