 |
|
|||
ZNA - هه‌ولێر
سەرۆکی پێشووی ئەمریکا، دۆناڵد ترەمپ ڕایگەیاند، کاتێک سەرۆکی ئەمریکا بووه، ھیچ جەنگێک ڕووی نەدا، ئەگەر وتیشی، لە دەسەڵاتی سەرۆکایەتی ئەمریکادا بووایە، ئەوە ھێرش نەدەکرایە سەر ئیسرائیل و جەنگی ئۆکرایناش ڕووی نەدەدا. دۆناڵد ترەمپ لە کۆنگرەی نەریتی کاری سیاسی پارێزگاران سەربە یەکێتیی پارێزگارانی ئەمریکا كە لە ویلایەتی ماریلاند ئەنجامدرا، ڕایگەیاند كە چوار ساڵ بەرلە ئێستا ھۆشداری ئەوەی دابوو، ئەگەر جۆ بایدن بە سەرۆکی ئەمریکا ھەڵبژێردرێت، ئەوە سنوورەکانی وڵات نامێنن و بەشێکی زۆری چینی مامناوەند لەناودەچن، و تاوانە توندوتیژەکانیش زیاد دەکەن. ئاماژەی بەوەشدا کە لە سەرکەوتنی جۆ بایدن لە ھەڵبژاردنەکانی سەرۆکایەتی ئەمریکا، ئەوە دۆخی ویلایەتە یەکگرتووەکان خراپتر دەبێت. جەختیشی لەوە کردەوە کە ھەرلە کاتی سەرکەوتنی جۆ بایدن لە ھەڵبژاردنەکانی سەرۆکایەتی ئەمریکا، ئەوە جارێکی دیکە چین بەسەر ئەمریکادا زاڵ دەبێت. دۆناڵد ترەمپ ئەوەی وەبیرھێناوە کە کاتێک لە ساڵی ٢٠١٧وە تا ساڵی ٢٠٢١ سەرۆکی ئەمریکا بوو، ھیچ جەنگێک ڕووی نەدا و گوتی: "ئەگەر لە دەسەڵاتی سەرۆکایەتی ئەمریکادا بوومایە، ئەوە ھێرش نەدەکرایە سەر ئیسرائیل و جەنگی ئۆکرایناش ڕووی نەدەدا". بڕیارە ھەڵبژاردنەکانی سەرۆکایەتی ئەمریکا لە کۆتایی ئەمساڵدا، ئەنجام بدرێت.
AA ئەم هەواڵە 322جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad