 |
|
|||
ZNA - هەولێر لە یارییەکانی هەفتەی 26ی خولی ئیتاڵیا یۆڤانتۆس میوانداری فۆرسینۆنی کرد.
لە ئەنجامدا یانەی خانمە پیرەکە توانی یارییەکە بە سێ گۆڵ بەرامبەر بە دوو گۆڵ یارییەکە بباتەوە.
لە تایمی یەکەم لەگەڵ دەستپێکی یارییەکە و لە خولەکی سێ ڤلاهۆڤیچ گۆڵی یەکەمی یۆڤی تۆمارکرد، بەڵام لەخولەکی 14دا فرۆسینۆنی گۆڵی بەرامبەری لایەن وەلید شەدیرە تۆمارکردەوە، لە خولەکی 27 دا یاریزان بیریشینانی گۆڵی دووەمی یانەی میوانی تۆمارکرد، دوای پێنج خولەک و لە خولەکی 32 ڤلاهۆڤیچ گۆڵی دووەمی یۆڤانتۆسی تۆمارکرد و ئەو تایمەش بە یەکسانی کۆتایی پێهات.
لە تایمی دووەمدا یۆڤانتۆس بەتەواوی کۆنترۆڵی یارییەکەی کرد و چەندین هێرشی بردە سەر گۆڵی میوان، تا لە خولەکی پێنجی کاتی زیادکراودا دانێلی رووگانی گۆڵی سێیەم و بردنەوەی یۆڤانتۆسی تۆمارکرد.
بەم سەرکەوتنە، یانەی یۆڤانتۆس بووە خاوەن 57 خاڵ لە پلەی دووەمی ڕیزبەندیە، فرۆسینۆنیش 23 خاڵی هەیە و لە پلەی 16یەم دێت. ئەم هەواڵە 436جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad