2024-02-20 [07:28 AM]

رێکخراوی مافی مرۆڤی هەنگاو بڵاویکردەوە، جەلال رەحمانی خەڵکی بۆکان و ئاکۆ کە ناوبانگی دیارنییە لەلایەن هێزە ئەمنیەکانی ئێرانەوە لە سنووری هەنگەژاڵی بانە دەستبەسەرکران و دوای ئەشکەنجەدان لەلایەن ئەو هێزانەوە، لە پشتەوە تەقەیان لێکرا و بریندارکران .

هەروەها، سەلمان ئەمیری کۆڵبەری خەڵکی مەریوان لە بەرزایییەکانی سنووری نەوسوود بە سەختی بریندار کرا لەلایەن هێزە ئەمنییەکانی ئێران.

ئاماژەی بەوەشکردووە، کۆڵبەرێکیان بەهۆیەوە کەمەری شکاوە و لەبەر ناجێگیربوونی بارودۆخی تەندروستیی لە نەخۆشخانەی پاوە بۆ نەخۆشخانەی تاڵقانی کرماشان گواستراوەتەوە و تا ئێستا یەکجار نەشتەرگەری بۆ کراوە و بڕیار وایە ئەمشەو، بۆ دووەمین جار، لەو نەخۆشخانە نەشتەرگەری بۆ بکرێتەوە.