 |
|
|||
ZNA- هەولێر دوو ئافرەتی کوردی خەڵکی رۆژهەڵاتی کوردستان کە بە هۆی چالاکیی سیاسی دەستبەسەر کراون مەترسیی سزای لەسێدارەدانیان لەسەرە. ڕێکخراوەکانی مافی مرۆڤ رایانگەیاند "پەخشان عەزیزی" و "وریشە مرادی" کە حەوت مانگ لەمەوبەر لە تاران و سنە دەستبەسەر کراون و گوازراونەتەوە بەندیخانەی ئێڤینی تاران، بە "بەغی" تۆمەتبار کراون و مانای ئەوەیە چالاکیی چەکدارییان لە دژی حکومەت کردووە و سزاکەشی لە سێدارەدان یا زیندانی تاهەتایییە. ئەم دوو ئافرەتە کوردە کە ماوەیەک وەک یاریدەدەری کۆمەڵایەتی و پەیامنێر لە رۆژئاوای کوردستان چالاکییان کردووە، پاش تۆمەتبار کرانیان بە بەغی لە لایەن دەزگا ئەمنییەکانەوە، دۆسیەکەیان ڕەوانەی دادگای شۆڕشی تاران کراوە. ئەم هەواڵە 415جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad