 |
|
|||
ZNA-هەولێر پۆلیسی پارێزگای هه‌ولێر رایده‌گه‌یه‌نێت، دوای ئه‌وه‌ی ده‌نگۆی ئه‌نجامدانی چه‌ند تاوانێكی دزیكردن له دوو گه‌ره‌كی جیاوازی شاری هه‌ولێر بڵاوبووه‌وه، ده‌ستبه‌جێ تاوانباره‌كه ده‌ستگیرده‌كات و دڵنیاییش ده‌داته هاووڵاتییان.سه‌رچاوه‌یه‌ك له پۆلیسی پارێزگای هه‌ولێر راگه‌یاند، دوێنێ (یه‌كشه‌ممه 11ـی شوباتی 2024)، له‌یه‌ك كاتدا له پێنج ماڵ له‌هه‌ردوو گه‌ڕه‌كی دێی زانكۆ و مامۆستایان زانكۆ چه‌ند تاوانێكی دزیكردن ئه‌نجام ده‌درێت و دادخواز و سكاڵاخوازه‌كان روو له پۆلیسی پارێزگای هه‌ولێر ده‌كه‌ن، له‌ماوه‌ی كه‌متر له 24 كاتژمێر تۆمه‌تباره‌كه ده‌ستگیرده‌كرێت.پۆلیسی هه‌ولێر ده‌شڵێت: تۆمه‌تباره‌كه ده‌ستگیركراوه و پێشینه‌ی تاوانی هه‌یه و هه‌ڵساوه به دزینی بڕێكی زۆری پاره و زێڕی هاووڵاتییان له‌و دوو گه‌ڕه‌كه.ئاماژه بۆ ئه‌وه‌شكراوه، تۆمه‌تباره‌كه هه‌وڵی شاردنه‌وه‌ی رووخسار و شوێنپه‌نجه‌ی تاوانه‌كه‌ی دابوو، تاكو ئاسه‌واری تاوانه‌كه‌ی ون بێت.دووپاتیشیكرده‌وه، تۆمه‌تبار دانی به تاوانه‌كه‌ی داناوه.پۆلیسی هه‌ولێر دڵنیاییش ده‌داته هاووڵاتییان كه تۆمه‌تباره‌كه به فه‌رمانی دادوه‌ر ده‌ستگیركراوه.ئەم هەواڵە 340جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad