 |
|
|||
ZNA - هه‌ولێر
نوێنەری باڵای یەکێتیی ئەورووپا لە سیاسەتی دەرەکی و کاروباری ئاسایش، جۆزێپ بۆڕێڵ ڕایگەیاند: "یەک ملیۆن و ٧٠٠ هەزار کەس شوێنی پەناگرتنیان نەماوە. پێویستە پێشی ئیسرائیل بگیرێت کە هێرش نەکاتە سەر ڕەفەح". بۆڕێڵ لە میانی بەشداریکردنی لە کۆبوونەوەیەکی تایبەت بە وەزیرانی یەکێتیی ئەورووپا بۆ کاروباری گەشەسەندن، لێدوانی بۆ میدیاکان دا. جۆزێپ بۆڕێڵ جەختی لەوە کردەوە کە لە کۆبوونەوەکەدا کۆمیسەری گشتیی ئاژانسی نەتەوە یەکگرتووەکان بۆ بەھاناوەچوون و کارپێکردنی پەنابەرانی فەڵەستین (UNRWA)، فیلیپ لازارینی بەشدار دەبێت و دۆخی مرۆیی غەززە هەڵسەنگاندنی بۆ دەکرێت. باسی له‌وه‌ش كرد، "زۆر نیگەرانین لەو دۆخە مرۆییەی کە لەسەر سنوورەکانی میسر دەبیندرێت. یەک ملیۆن و ٧٠٠ هەزار کەس شوێنی پەناگرتنیان نەماوە. پێویستە پێشی ئیسرائیل بگیرێت کە هێرش نەکاتە سەر ڕەفەح".
AA ئەم هەواڵە 484جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad