|
ZNA-هەولێر
ئەمڕۆ پێنج شەممە 2024-02-01
کەش / ئاسمان لەکاتەکانی بەیانى تا دوایی نیوەرۆ نیمچە هەور دەبێت پاشان دەگۆرێت بۆ هەوری تەواو , لە ئێوارەدا شەپۆلێکى باران و بەفر بارین درێژ دەبێتەوە بۆ سەر بەشەکانى ڕۆژهەڵاتى هەرێم, کاریگەرى ئەم شەپۆڵە لە باشوورى پارێزگاى سلێمانى دەست پێدەکات تاکو ناوچە شاخاوییە سنوورییەکانى باکوور و ڕۆژهەڵاتى پارێزگاى هەولێر . ئەگەری باران بارین لەسەنتەری پارێزگای هەولێر لەئێوارەدا لەهەندێ ناوچە هەیە , باران بارین لەگەرمیان و بەشێک لە پارێزگاى کەرکووک تا باکوورى پارێزگاى سلێمانى و ئیدارەى راپەڕین بەشێوەى نمە باران و هەندێ کات تاوە بارانى مامناوەند دەبێت . لە ئەنجامى کاریگەرى بارستە هەوایەکى سارد لەسەر تەواوى زنجیرە چیا سنووریەکان و لووتکە و قەدپاڵى چیا بەرزەکان بەفر دەبارێت .
خێراى با / لەسەرخۆ- مامناوەند ( 10 – 20 ) کم /ک دەبێت .
ئاراستەی با / باشووری خۆرهەڵات بۆ باکووری خۆرهەڵات دەبێت .
پلەکانی گەرما / نزیک دەبێتەوە بەراوورد بە تۆمارکراوەکانی دوێنێ ,بەڵام لە شەودا بە نزیکەى (2-4) پلە نزم دەبێتەوە .
مەوداى بینین/ لە نێوان ( 7 – 9 ) کم دەبێت.
پلەکانی گەرما / لەسەر نەخشەدا ئاماژەیان پێدراوە .
سبەی هەینی 2024 -02-02
کەش سارد و ئاسمان نیمچە هەور دەبێت , هەندێ ناوچە هەوری تەواو دەبێت , لەئەنجامی کاریگەری ئەم بارستە هەوایە ساردەی ڕووی لەناوچەکەمان دەکات لەکاتی باران بارین و ئەگەری بەفر بارین لەسەر ناوچە شاخاوییەکان هەیە بەتایبەت ئەو شاخانەى بەرزیان لە (2000) مەتر زیاترە . پێشبینی دەکرێت رێژەی دابارین لەسنووری پاریزگای سلێمانی زیاتر بێت بەراورد بەناوچەکانی تر .
خێراى با / لەسەرخۆ- مامناوەند ( 10 – 20 ) کم /ک دەبێت .
ئاراستەی با / باشووری خۆرهەڵات بۆ باکووری خۆرهەڵات دەبێت .
مەوداى بینین/ لە نێوان ( 6 – 8 ) کم دەبێت .
پلەکانی گەرما / بەنزیکەی 4 تـــــا 6 پلە نزمتر دەبێت بەراوورد بە تۆمارکراوەکانی ئەمڕۆ , وە لە ناوچە شاخاوییەکان زیاتر دادەبەزێت .
بەرزترین پلەکانی گەرمای پێشبینیکراو بە پلەی سیلیزی :
هەولێر : 10 پلەى سیلیزى
سلێمانی : 7 پلەى سیلیزى
دهۆک : 9 پلەى سیلیزى
کەرکووک : 9 پلەى سیلیزى
هەڵەبجە : 5 پلەى سیلیزى
زاخۆ : 9 پلەى سیلیزى
گەرمیان : 12 پلەى سیلیزى
حاجی ئۆمەران: -5پلەى سیلیزى
سۆران : 3 پلەى سیلیزى
بەشى پێشبینى 2024-02-01
ئەم هەواڵە 541جار خوێندراوەتەوە |
