 |
|
|||
ZNA- هەولێر ئەمریکا و بەریتانیا یەکەی ٨٤٠ی فەیلەقی قودسی سوپای پاسدارانی ئێران و تۆڕێکی پێکهاتوو لە ٤ ئەندام و ٣ کەسی پەیوەندیداریان خستە لیستی گەمارۆکانیانەوە. وەزارەتی دەرەوەی بەریتانیا ڕایگەیاند، بەهۆی داڕشتنی پلانی کوشتنی دوو ڕۆژنامەوانی ئێرانی لەناو خاکی بەریتانیا و هاوکاری لەگەڵ ئەو باندە تاوانکارە نێودەوڵەتییانەی پەیوەندییان بە ئێرانەوە بووە، ئەو گەمارۆیانە دانراون. لە لیستەکەی وەزارەتی دەرەوەی بەریتانیادا ناوی "محەمەدڕەزا ئەنساری"، "عەلی ئیسفەنجانی"، "محەمەد عەبدولڕەزاق کەنەفانی" و "محەمەدڕەزا ناسرزادە"، ئەندامانی فەیلەقی قودس و "ناجی شەریفیی زیندەشتی"، قاچاخچیی ماددەی هۆشبەر و دوو هاووڵاتیی تورکیا بە ناوەکانی "عەلی و عەبدولوەهاب کوچاک"، وەک هەڕەشە لەسەر ئاسایشی بەریتانیا بەرچاو دەکەون. هاوکات وەزارەتی خەزینەی ئەمریکاش ڕایگەیاند، بە هاوکاریی بەریتانیا گەمارۆیان خستووەتە سەر ئەم تۆڕە ئێرانییەی بە فەرمانی وەزارەتی هەواڵگریی ئێران پلانی کاری تیرۆریستییان بووە. ئەم هەواڵە 334جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad