 |
|
|||
ZNA-ھەولێر ئەندامێکی ئەنجوومەنی پارێزگای نەینەوا لە فراکسیۆنی پارتی دیوموکراتی کوردستان رایگەیاند، کە ئەندامانی ئەنجوومەنی هەڵبژێردراوی پارێزگای نەینەوا سوێندی یاساییان خوارد و بڕیارە هەفتەی داهاتوو کۆبوونەوەی ئەنجوومەنی پارێزگا ئەنجام بدرێت.ئەحمەد دووبەردانی، ئەندامی ئەنجوومەنی پارێزگای نەینەوا لە فراکسیۆنی پارتی دیوموکراتی کوردستان، بە ئاژانسی ھەواڵی زاگرۆسی راگەیاند: ئەمڕۆ یەکشەممە، ٢٨ی١ی٢٠٢٤ ئەندامە تازە هەڵبژێردراوەکانی ئەنجوومەنی پارێزگای نەینەوا لە بەردەم ئەنجوومەنی دادوەری سوێندی یاساییان خوارد، بەپێی یاسا دەبێت لەماوەی پازدە رۆژ لە پەسندکردنی هەڵبژاردنی ئەنجوومەنی پارێزگاکان، ئەنجوومەن کۆببێتەوە، هێشتا کاتی کۆبووەوەکە دیار نییە، بەڵام بڕیارە هەفتەی داهاتوو بکرێت.بەگوێرەى یاسای ئەنجوومەنی پارێزگاکانى عێراق دەبێت دواى پازدە رۆژ لە پەسندکردنى ئەنجامى کۆتایی هەڵبژاردنەکان، پارێزگارى شارەکە داواى کۆبوونەوەى ئەنجوومەنى نوێ بکات، ئەگەرنا لە رۆژى شازدەمیندا ئەنجوومەنەکە دەسەڵاتى ئەوەى هەیە بە سەرۆکایەتى بەتەمەنترین ئەندامى کۆببێتەوە.رێباز یونسئەم هەواڵە 589جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad