 |
|
|||
ZNA - هەولێر لە یاریێکی تری هەفتەی 22ی خولی ئیسپانیا، یانەی بەرشلۆنە لە یاریگای خۆیدا ڕووبەڕووی ڤیاریال بوویەوە.
لە ئەنجامدا یانەی ڤیاریال توانی یارییەکە بە پێنج گۆڵ بەرامبەر بە سێ گۆڵ شکستی بە بارسای خاوەن یاریگا هێنا.
لە تایمی یەکەمدا دوای هێرش و هەوڵی هەردوو یانە بۆ سەر گۆڵی یەکتر، یانەی ڤیاریال گۆڵێکی لە خولەکی 41 لەڕێگەی یاریزان جیرارد مۆرینیۆ تۆمارکرد و ئەو تایمە بەو تاکە گۆڵە کۆتاییهات.
لە تایمی دووەمدا کەرنەڤاڵی گۆڵەکان دەستی پێکرد، لە سەرەتادا بارسا سێ گۆڕانکاری ئەنجامدا، بەڵام ڤیاریال گۆڵی دووەمی لە خولەکی 54 تۆمارکرد، دوای ئەوە بارسا دوو گۆڵی لەسەر یەکی لە خولەکەکانی 60 و 68 تۆمارکرد و ئەنجامەکەی یەکسانکردەوە، لە خولەکی 71 ئێریک بالی بەهەڵە لە خۆیان گۆڵی پێشکەوتنی بۆ بارسا تۆمارکرد، دوای ئەوە ڤیاریال سێ گۆڵی تری لە خولەکەکانی 84، 99 و 102ی کاتی زیادکراو لەڕێگەی یاریزانان گویدس، سۆرلۆس و مۆڕالێس تۆمارکرد.
بەم سەرکەوتنە، یانەی ڤیاریال سێ خاڵی لە بەرشەلۆنە وەرگرت و بووە خاوەنی 23 خاڵ، بارساش بەکۆکردنەوەی 44 خاڵ لە پلەی سێیەمدایە. ئەم هەواڵە 448جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad