 |
|
|||
ZNA - هەولێر ماڵپەڕی فەرمیی "حەسەن ڕوحانی" سەرۆک‌کۆماری پێشووی ئیران لە زاری "یەکێک لە بەرپرسانی ئەنجوومەنی پارێزەران"(شۆرای نیگەهبان)ی ئێرانەوە نووسیویەتی: "فەقیهه‌کانی ئەم ئەنجومەنە شیاویی حەسەن ڕوحانییان بۆ خۆپاڵاوتن بە مەبەستی ئەندامەتی لە ئەنجومەنی شارەزایان لەهەڵبژاردنی ئەمساڵدا پشتڕاست نەکردۆتەوە. ". ڕۆژی چوارشەممە ٢٤ی کانوونی دووهەم، پاش کاتژمێرێک لە ڕاگەیاندنی بێبەشکردنی ڕووحانی لە ماڵپەڕی ڕۆحانیەوە، گوتەبێژی ئەنجوومەنی پارێزەران بە ئاژانسە هەواڵییە حکومییەکانی ڕاگەیاند: “هەتا ئێستا ناوی پاڵێوراوانی هەڵبژاردنی مەجلیسی شارەزایان بۆ وەزارەتی نێوخۆ ڕانەگەیەندراوە، و… بۆیە پێویستە میدیاکان خۆیان لەم قسە و باسانە بەدوور بگرن”. بە گوتەی ناوبراو، ئەمڕۆ - چوارشەممە، بۆچوونی ئەنجومەنی شارەزیان بۆ وەزارەتی ناوخۆ دەنێردرێت. ئەنجمونی شارەزیانی ئێران بە ئەنجومەنەی ڕێبەریی کۆماری ئیسلامیی ئێران دەناسرێت و لە کۆمەڵێک ئاخوندی بەساڵاچوو پێکدێت و ئەرکی هەڵبژرانی رێبەر و چاودێری کردن بەسەر کاروباری ڕیبەری وڵاتەویە. بەڵام ئێستا دەگوترێت هەموو ئەندامامی ئەم ئەنجومەنە بە چاودێریی عەلی خامنەیی هەڵدەبژێردرێن و لەبەرانبەر دەستەڵاتی خامنەییدا هیچ دەستەڵاتێکیان نیە. حەسەن ڕۆحانی هەتا ئێستا بۆ ماوەی دوو خول سەرۆک کۆماری ئێران و ماوەیەک سەرۆکی ئەنجمونی ئاسایش و سەردەمێکیش دانووستانکاری ئێران لە گەڵ زلهێزانی جیهان بۆ کێشەی ئەتۆمی بووە، بەڵام ئێستا به‌هۆی ڕەخنەگرتن لە دەستەڵات کەوتووەتە ژێر گوشار. ئەم هەواڵە 388جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad