 |
|
|||
ZNA - هەولێر لە یارییەکی هەفتەی 21ی خولی ئیتاڵیادا یانەی ئەیسی میلان لە دەرەوەی یاریگای خۆی ڕووبەڕووی ئۆدینیزی بوویەوە.
لە ئەنجامدا یانەی میلان توانی یارییەکە بە سێ گۆڵ بەرامبەر بە دوو گۆڵ شکست بە خاوەن یاریگا بهێنێت.
لە تایمی یەکەمدا یاریزانانی میلان باشتر بیندران و لە خولەکی 31 لە ڕێگەی لۆفتۆس چیک گۆڵێکیان تۆمارکرد، بەڵام ئۆدینیزی لە خولەکی 42 ئەنجامەکەی یەکسانکردەوە، ئەو تایمەش بەو ئەنجامە کۆتاییهات.
لە تایمی دووەم، ئۆدێنێزی خاوەن یاریگا دەسپێشخەری کردوو لە خولەکی 62 گۆڵی پێشکەوتنی لەلایەن فلوریان سایوڤین تۆمارکرد، دوای ئەو گۆڵە میلان دەستی کرد بە هێرشبردن و توانی دوو گۆڵی تر لە خولەکەکانی 83 و 93 لە رێگەی هەریەکە لە لۆکا یوڤیچ و ئۆکافور گۆڵی دووەم و سێیەمیان تۆماکرد.
بەم سەرکەوتنە، ئەیسی میلان بە کۆکردنەوەی 45 خاڵ لە پلەی سێیەم دێت، ئۆدێنێزییش تەنیا 18 خاڵی کۆکردۆتەوە. ئەم هەواڵە 445جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad