 |
|
|||
ZNA - هه‌ولێر
وەزارەتی تەندروستی لەغەززە رایگەیاند: لە 24 كاتژمێری ڕابردوودا 178 كەس بەهۆی هێرشەكانی ئیسرائیلەوە بوونە قوربانی ،بەمەش ژمارەی كوژراوان گەیشتە 25هەزار و 105 كەس ئاماژەی بەوەشدا، ژمارەی بریندارانیش گەیشتووەتە 62 هەزار و 681 كەس. پێشتر ئاژانسی هەواڵی فەلەستینی "وەفا" ڕایگەیاندبوو، فڕۆكەكانی سوپای ئیسرائیل بۆردومانی خان یونسی باشووری كەرتی غەززەیان كردووە و ژمارەیەك فەلەستینی كوژراون و دەیان كەسیش برینداربوون. هەروەها سەرچاوە پزیشكییەكان ڕوونی دەكەنەوە، فڕۆكە جەنگییەكانی سوپا گەڕەكی ئەمەلیان لە ڕۆژئاوای خان یونس لە باشووری كەرتی غەززە كردە ئامانج و بەهۆیەوە ژمارەیەك هاووڵاتی كوژراون و دەیان كەسیش برینداربوون. هاوكات فڕۆكە جەنگییەكانی ئیسرائیل كەمپی شاتی یان لە ڕۆژئاوای شاری غەززە و كەمپی جەبەلیایان لە باكووری كەرتی غەززە بۆردومان كرد و بەهۆیەوە ئاگرێكی گەورە لە یەكێك لەو ماڵ و كارگانە كەوتەوە كە بەهۆی بۆردومانەكە كرانە ئامانج.
ئەم هەواڵە 352جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad