 |
|
|||
ZNA- هەولێر عەبدولقەهار بەلخی، گوتەبێژی وەزارەتی دەرەوەی حکومەتی تاڵیبانی ئەفغانستان ڕۆژی پێنجشەممە ١٨ی کانوونی دووهەمی ٢٠٢٤ پەیامێکی لە تۆڕی کۆمەڵایەتیی ئێکس بڵاوکردەوە و نیگەرانیی هێرشی ئەم دواییەی کۆماری ئیسلامیی ئێران و کۆماری ئیسلامیی پاکستان دەربڕی. نێوبراو لە پەیامەکەیدا داوای لە دوو وڵاتی دراوسێی ئەفغانستان کرد دان بەخۆیاندا بگرن و داوای لە تاران و ئیسلام ئاباد کرد لە ڕێگەی کەناڵە دیپلۆماسییەکانەوە کێشە و ناکۆکیەکانیان چارەسەر بکەن. وەزارەتی دەرەوەی تورکیا لە هێرشە مووشەکییەکانی ئێران و پاکستان نیگەرانیی دەربڕیوە و داوای دان بەخۆ داگرتنی لێیان کردووە. سوپای پاسدارانی ئێران رۆژێک دوای هێرشی مووشەکی بۆ سەر پایتەختی هەرێمی کوردستان، شوێنێکی بەلووچستانی پاکستانیشی مووشەکباران کرد و پاکستانیش دوای ئەوەی باڵیۆزی خۆی لە ئێران بانگ کردەوە و باڵیۆزی ئێرانیشی دەرکرد، چەند کاتژمێر دواتر هێرشی کردە سەر ئێران و ئەم هێرشە ١٠ کوژراوی لێکەوتەوە. ئەم هەواڵە 538جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad