 |
|
|||
ZNA - هەولێر لە یاری کۆتایی جامی سوپەری ئیسپانیا هەردوو یانەی ریال مەدرید و بەرشلۆنە لە لە وڵاتی سعودیە ڕووبەڕووی یەکتر بوونەوە.
لە ئەنجامدا یانەی شاهانە توانی یارییەکە بە ئەنجامێکی گەورە و بە چوار گۆڵ بەرامبەر بە گۆڵێک شکست بە بارسای ڕکابەری هێنا و بووە پاڵەوانی جامەکە.
هەر لە سەرەتای یاریەکەوە ریال مەدرید گورزی خۆی وەشاند و توانی دوو گۆڵ لە ڕێگەی یاریزان ڤینیسیۆس جۆنیۆر لە خولەکەکانی 7 و 10 تۆمارکرد، دوای ئەوە بارسا هێرشەکانی چڕکردەوە لە خولەکی 12 تۆپێکی لە ستۆنی ریال دا، وە لە خولەکی 33 لیڤاندۆڤسکی ئەنجامەکەی بۆ گۆڵێک کەمکردەوە دوای ئەوە ناوبژیوان لێدانێکی سزای بۆ ریال هەژمارکرد و ڤینیسیۆس هاتریک و گۆڵی سێیەمی یانەکەی تۆمارکرد.
لە تایمی دووەمدا و لە خولەکی 64 ریال گۆڵی چوارەم و دڵنیایی لەڕێگەی ڕۆدریگو تۆمارکرد، دوای ئەوە ناوبژیوان لە خولەکی 71دا یاریزان ئاراوخۆ بەکارتی سوور کردە دەرەوە و یارییەکە هەر بەو شێوەیە کۆتاییهات و جارێکی تر ریال جامەکەی بەدەستهێنا. ئەم هەواڵە 478جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad