2024-01-11 [06:39 AM]

‎پسپۆڕێکی تایبەت بە نەخۆشییەکانی پوک و دەم رایدەگەیەنێت، دەرکەوتنی هەندێک نیشانە لە دەمدا وەک ئاڵبوونەوەی رەنگی دەم ئاماژەیە بۆ ناساغی جگەر و باشتر وایە سەردانی پزیشکی پسپۆڕ بکەیت.
‎روسیا تودەی زانیارییەکانی سلێمان ئەنوەر پزیشک و پسپۆڕی نەخۆشییەکانی دەمی بەمجۆرە خستووەتە ڕوو، ئەو کەسانەی چەوری جگەریان هەیە گرنگە ئاگاداریی نیشانەکانی ئەو نەخۆشییە بن، چونکە لەو حاڵەتەدا جگەر برێکی زۆر چەوری کۆدەکاتەوە و لە ئەنجامدا هەوکردن و سستبوونی جگەری لێدەکەوێتەوە.
‎ئەو کەسانەی چەوری جگەریان هەیە لە زۆرینەی حاڵەتدا نیشانەیان لە دەمدا دەردەکەوێت، وەک ئاوسانی پوک و خوێنبەربوونی، ئەو پزیشکە روونیکردووەتەوە، لە کاتی زیادبوونی چەوری جگەر ئەم نیشانانە لە دەمدا دەردەکەون:
‎یەکەم: ئاڵبوونەوەی رەنگی لێو و پوک.
‎دووەم: خوێنبەربوون و ئاوسانی پوک.
‎سێیەم: سوربوونی زمان، بەهۆی ئەوەی جگەر ناتوانێت ژەهر لە جەستە بکاتە دەرەوە.
‎چوارەم: ناخۆشبوونی بۆنی دەم.
‎پێنجەم: وشکبوونەوەی دەم.