 |
|
|||
ZAN - هەولێر دوای تەقەکردن لەناو قوتابخانەیەک لە ویلایەتی ئایۆوای ئەمەریکا، منداڵێک گیانی کوژرا و 5 کەسی دیکەش برینداربوون. ڕۆژنامەی ئەسۆشێتد پرێس بڵاویکردەوە، خوێندکارێکی "ئامادەیی پێری" تەقەی لەناو قوتابخانەکەدا کردووە و بەهۆیەوە خوێندکارێکی پۆلی شەشەم کوژراوە و پێنج کەسی دیکەش برینداربوون، دواتر لەلایەن پۆلیسەوە تەقەی لێکرا و کوژرا. بەپێی وەزارەتی لێکۆڵینەوەی تاوانەکانی ویلایەتی ئایۆوا، پۆلیس لەکاتی گەڕان بەناو قوتابخانەکەدا ئامێرێکی تەقەمەنی دروستکراوی دۆزیوەتەوە و پووچەڵکراوەتەوە. ڕووداوی تەقەکردن لە ویلایەتی ئایۆوا بەشێکە لە کێشەی بڵاوبوونەوەی توندوتیژی چەکداری لە قوتابخانەکانی ئەمەریکادا، کە لەم ساڵانەی دواییدا خراپتر بووە، بەو پێیەی داتا فەرمییەکان دەریانخستووە کە لە ساڵی 2023دا 346 ڕووداوی لەم جۆرە ڕوویانداوە. ئەم هەواڵە 364جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad