 |
|
|||
ZNA - هه‌ولێر
فەرماندەیی ناوەندی ھێزەکانی ئەمریکا (CENTCOM) ڕایگەیاند، دوو موشەکی بالیستی لە ناوچەکانی ژێر کۆنتڕۆڵی حووسییەکان لە یەمەن ئاراستەی باشووری دەریای سوور کراون. لەوبارەیەوە فەرماندەیی ناوەندی ھێزەکانی ئەمریکا ڕاگەیەندراوێکی بڵاوکردەوە و تیایدا ھاتووە: "حووسییەکان کە لەلایەن ئێرانەوە پاڵپشتی دەکرێن، لە یەمەنەوە دوو موشەکی بالیستیان ئاراستەی باشووری دەریای سوور کردووە". ڕاشیگەیاندووە کە ھێرشەکە، ھیچ زیانێکی نەبووە. باسی لەوەش کردووە: "ئەم ھێرشە نایاساییانە، ژیانی دەیان دەریاوانی بێتاوانیان خستۆتە مەترسییەوە، ھەروەھا ھێرشەکان بوونەتە مایەی تێکدانی کاری بازرگانی نێودەوڵەتی". لە ١٧ تشرینی یەکەمەوە تا ئێستا، ئەمە ٢٤ھەمین ھێرشە کە لەلایەن حووسییەکانەوە بۆسەر کەشتی بازرگانییەکان لە دەریای سوور ئەنجامدراون. تا ئێستا حووسییەکان، ھێچ ڕاگەیەندراوێکیان لەوبارەیەوە بڵاونەکردووەتەوە.
AA ئەم هەواڵە 397جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad