2024-01-02 [08:35 AM]

١- ئەسپەرەگۆز یەکێک لە باشترین خواردنەکان بۆ پاککردنەوەی دەمارەکانی خوێن بریتییە لە ئەسپەرەگۆز، کە دەوڵەمەندە بە ڤیتامین (K,B1,B2,C,E) و چەندەها کانزای پێویست. ئەسپەرەگۆز رێگریی دەکات لە گیرانی دەمارەکانی خوێن و دەبێتەهۆی دابەزاندنی فشاری خوێن.

٢- ئەڤۆگادۆ توێژینەوەکان سەلماندوویانە خواردنی رۆژانەی ئەڤۆگادۆ دەبێتە هۆی کەمکردنەوەی چەوری جۆری خراپ بە رێژەی %٢٢، و دەبێتە هۆی بەرزکردنەوەی چەوری جۆری باش بە رێژەی %١١. چەوری جۆری باش دەبێتەهۆی رێگرییکردن لە گیرانی دەمارەکانی خوێن. سەرەڕای ئەمانەش، ئەڤۆگادۆ بڕی ٤ گرام پرۆتین و ١١ گرام فایبەری تێدایە.

٣- برۆكلی برۆکلی دەوڵەمەندە بە ڤیتامین (K) کە رێگریی دەکات لە رەقبوونی دەمارەکان.

٤- دارچینی خواردنی رۆژانەی یەک کەوچک لە دارچینی دەبێتەهۆی دابەزاندنی رێژەی کۆلیسترۆڵ لەناو خوێن لەگەڵ رێگرییکردن لە گیرانی دەمارەکان. دارچینی دەوڵەمەندە بە دژەئۆکسید کە رێگریی دەکات لە دروستبوونی نەخۆشی شێرپەنجە و پیربوون.

٥- قاوە توێژینەوەکان ئاماژە بەوە دەکەن کە خواردنەوەی (٢٠٠-٥٠٠) میلیلتر قاوە مەترسی تووشبوون بە نەخۆشییەکانی دڵ بە رێژەی %٢٠ کەمدەکاتەوە. پێویستە ئاگاداربیت کە زیادەڕۆیی لە خواردنەوەی قاوە یان هەر وریاکەرەوەیەکی تر دەکرێت ببێتەهۆی زیانگەیاندن بە تەندروستی دڵ، چونکە دەبێتەهۆی بەرزکردنەوەی فشاری خوێن و خێرالێدانی دڵ.

٦- چای سەوز چای سەوز دەوڵەمەندە بە دژەئۆکسیدی (کاتیکین)، کە دەبێتەهۆی رێگرییکردن لە هەڵمژینی کۆلیسترۆل لەناو کۆئەندامی هەرسدا.

٧- گوێز خواردنی رۆژانەی گوێز دەبێتەهۆی دابەزاندنی فشاری خوێن، کەمکردنەوەی هەڵئاوسان و پاککردنەوەی دەمارەکانی خوێن لەو شتانەی دەبنەهۆی گرتنی. گوێز دەوڵەمەندە بە چەوری جۆری باش، ڤیتامین (E)، فایبەر و پڕۆتین.

٨- زەیتی زەیتون زەیتی زەیتونیش بە هەمان شێوەی گوێز دەوڵەمەندە بە چەوری جۆری باش کە دەبێتەهۆی کەمکردنەوەی رێژەی کۆلیستڕۆڵی ناو خوێن، زەیتی زەیتوون بە یەکێک لە تەندروستترین زەیتەکان دادەنرێت بۆ چێشتلێنان و دروستکردنی خواردن. بەپێی توێژینەوەیەک، بەکارهێنانی زەیتی زەیتون لە جیاتی زەیتەکانی تر بۆ چێشتلێنان، مەترسی تووشبوون بە نەخۆشییەکانی دڵ بە رێژەی %٤١ کەمدەکاتەوە.

٩- سپێناخ سپێناخ دەوڵەمەندە بە فایبەر، پۆتاسیۆم و ڤیتامین (B9)، هەموو ئەمانە بەسوودن بۆ تەندروستی دڵ. ١٠- زەردەچەوە زەردەچەوە دەوڵەمەندە بە مادەی (کیرکیومین) کە بە یەکێک لە باشترین مادەکانی سروشت دادەنرێت بۆ بەرەنگاربوونەوەی هەڵئاوسان، بۆیە خواردنی زەردەچەوە دەبێتەهۆی رێگرییکردن لە زیانگەیاندن بە دیواری دەمارەکانی خوێن.