 |
|
|||
ZNA - هه‌ولێر
وەزارەتی تەندروستی فەڵەستین لە کەرتی غەززە ڕایگەیاند، ژمارەی قوربانیانی ھێرشەکانی ئیسرائیل بۆسەر کەرتی غەززە، بۆ ٢٠ ھەزار و ٩١٥ کوژراو و ٥٤ ھەزار و ٩١٨ بریندار بەرزبووەتەوە. گوتەبێژی وەزارەتی تەندروستی فەڵەستین لە کەرتی غەززە، ئەشرەف قودرە لە کۆنگرەیەکی ڕۆژنامەوانییدا دوایین ئاماری لەبارەی قوربانیانی ھێرش و بۆردومانەکانی ئیسرائیل بۆسەر کەرتی غەززە خستەڕوو. ئەشرەف قودرە ڕایگەیاند لە میانی ٢٤ کاتژمێری ڕابردوودا، به‌هۆی هێرشه‌كانی ئیسرائیل بۆ سه‌ر کەرتی غەززە ٢٤١ کەس کوژراون و ٣٨٢ دیکەش برینداربوون. ئاماژەی بەوەیشدا کە لە ٧ی مانگی تشرینی یەکەمەوە لە ئاکامی ھێرشەکانی ئیسرائیل بۆسەر کەرتی غەززە تا ئیستا، ٢٠ ھەزار و ٩١٥ کەس کوژراون و ژمارەی بریندارەکانیش گەیشتووەتە، ٥٤ ھەزار و ٩١٨ کەس.
AA ئەم هەواڵە 460جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad