وەزارەتی خەزینه‌ی ئەمریکا
	2023-12-20 [05:14 AM]

ئەمریکا بەهۆی هاوکاریکردنی ئێران لە دروستکردنی درۆن، 14 کۆمپانیا و کەسایەتیی چوار وڵات دەخاتە لیستی سزاکانییەوە.

وەزارەتی خەزێنەی ئەمریکا لە بەیاننامەیەکدا ڕوونی کردووەتەوە، ئەم تۆڕە لە وڵاتانی ئێران، مالیزیا، هۆنکۆنگ و ئەندۆنیسیا چالاکن و چەندین پارچەیان بە بەهای سەدان هەزار دۆلار بۆ دروستکردنی درۆن بۆ هێزی ئاسمانیی سوپای پاسداران دابین کردووە.

وەزارەتی خەزینه‌ی ئەمریکا هەروەها دەڵێت، بەرهەمهێنانی نایاسایی ئەم درۆنە وێرانکەرە لەلایەن ئێرانەوە و گەیاندنی بەدەستی هێزە بریکارەکانی لە ناوچەکەدا، هەروەها ناردنی بۆ ڕووسیا، پەرەی بە گرژییەکان و درێژبوونەوەی جەنگ داوە و سەقامگیریی جیهانی خستووەتە مەترسییەوە.