2023-12-20 [05:08 AM]

ڕێکخراوی نەتەوەیەکگرتووەکان، لە دژی پێشێلکردنی مافی مرۆڤ لە لایەن کۆماری ئیسلامیی ئێرانەوە، بڕیارنامەیەکی پەسند کرد.

کۆمەڵەی گشتیی  نەتەوەیەکگرتووەکان بە 78 دەنگی بەڵێ لە بەرانبەر 30 دەنگی نەخێر و 68 دەنگی بێ لایەن، بڕیارنامەی ئیدانەکردنی پێشێلکرانی مافی مرۆڤ بە شێوەیەکی بەربڵاو، لە لایەن کۆماری ئیسلامیی ئێرانی پەسند کرد ئەم بڕیارنامەیە مانگی ڕابردوو و لەسەر پێشنیاری کانادا خرابووە بەرنامەی کاری کۆمەڵەی گشتیی نەتەوەیەکگرتووەکان.

وەزارەتی دەرەوەی ئێران لە کاردانەوەیەکدا بەرانبەر بە پەسندکرانی ئەم بڕیارنامەیە، ڕایگەیاندووە وەها بڕیارێک بنەمای یاساییی نییە.