2023-11-18 [02:05 AM]

به‌ چاودێری حه‌مه‌ی حه‌مه‌سه‌عید، وه‌زیری رۆشنبیری و لاوانی حكومه‌تی هه‌رێمی كوردستان پێنجه‌مین پێشانگه‌ی نێوده‌وڵه‌تیی كتێب له‌ سلێمانی پایته‌ختی رۆشنبیری كوردستان ده‌كرێته‌وه‌.

پێشانگه‌كه‌، رۆژی 23ـی تشرینی دووه‌می 2023 ده‌كرێته‌وه‌ و بۆ ماوه‌ی 10 رۆژ به‌رده‌وام ده‌بێت.

له‌ پێشانگه‌كه‌دا هه‌زاران ناونیشانی كتێب به‌ زمانه‌كانی كوردی، عه‌ره‌بی، ئینگلیزی، فارسی، توركی دەخرێنەڕوو.

جگه‌ له‌ نمایشیی كتێب، له‌ پێشانگه‌كه‌دا چه‌ندین چالاكی جۆراوجۆر و مێزگرد و گفتوگۆی رۆشنبیری به‌ڕێوه‌ده‌چن.
پێشانگه‌كه‌ به‌ چاودێری وه‌زاره‌تی رۆشنبیری و لاوان و پشتیوانی پارێزگاری سلێمانی له‌ لایه‌ن ده‌زگای چاپ و په‌خشی ئه‌تڵه‌س به‌ به‌شداری ده‌یان ناوه‌ندی چاپ و بڵاوكردنه‌وه‌ی ناوخۆیی و بیانی ده‌كرێته‌وه‌.