2023-12-17 [02:18 AM]

بانکی ناوەندیی عێراق، ئەمڕۆ خستنه‌ڕووی دۆلار و دۆلاری کاشی زیاد كرد و دۆلاریش بەرانبەر دینار روو لە دابەزینە.

بانكی ناوه‌ندیی عێراق، بڵاوی کردەوە کە ئەمڕۆ یەكشەممە 17/12/2023، نزیكه‌ی 222 ملیۆن دۆلاری خستووه‌ته ‌ڕوو، له‌و بڕه‌دا 204 ملیۆن دۆلاری به‌ شێوه‌ی حه‌واڵه‌یه‌ و 21 ملیۆن دۆلاریش بە شێوەی کاشە.
كۆتایی هەفتەی رابردوو، بانكی ناوەندی كەمتر لە 220 ملیۆن دۆلاری خستەڕوو، هاوكات 15 ملیۆن دۆلاری كاشیشی فرۆشتبوو.
ئەمڕۆ‌ نرخی دۆلار بەرامبەر دینار لە دابەزینە 100 دۆلار بەرامبەر 154 هەزار و 800 دینار مامەڵەی پێوە دەکرێت، لە کاتێکدا هەفتەی ڕابردوو نزیکی 157هەزار دینار بوو.
بانكی ناوەندیی عێراق هەفتانە زیاتر لە یەک ملیار دۆلار بە نرخی فەرمی، كە 132 هەزار دینارە لە ڕێگەی حەواڵە و كاشەوە دەفرۆشێت

شزان به‌رزنجی