2023-12-05 [04:12 AM]

ئەمڕۆ سێشەممە 2023.12.5، بە ئامادەبوونی ئومێد خۆشناو، پارێزگارى هەولێر و د.محمد شوکری، سەرۆکی دەستەی وەبەرهێنانی حکومەتی هەرێمی کوردستان و عەمید ئارام بوڕهان، بەڕێوەبەری پۆلیسی هاتووچۆی هەولێر و ژمارەیەکی تر لە خاوەن کۆمپانیا و پیاوانى کاری ناوخۆیی و بیانی، لە ڕێورەسمێدا، کۆمپانیای ساز کە یەکێکە لە گروپی کۆمپانیاکانی سەردار، پیشانگایەکی نوێی لگزسی لە شاری هەولێر کردەوە.

لە ڕێورەسمەکەدا، تیشک خرایەسەر بونیاتنانی شاری یابانی لە هەولێر، کە چاوەڕوان دەکرێت لە منزیکانە بۆ براندە یابانیەکان بکرێتەوە، پاشان نوێترین مۆدێلەکانی لگزس نمایش کرا، لەوانە ساڵۆن و SUV و ئۆتۆمبێلی هایبرید، کە بە نوێترین تەکنەلۆژیا و لێهاتوویەکی تەواو و کارای بێهاوتا درووستکراوە.
پارێزگاری هەولێر دەستخۆشى لە خاوەنى کۆمپانیاکە کرد و هیواى سەرکەوتنى بۆ خواستن.