2023-12-05 [08:40 AM]

 

درەنگانی شەوی رابردوو 4ی دیسەمبەری 2023، فەرماندەیی ناوەندیی سوپای ئەمەریكا لە راگەیەندراوێکدا زانیاریی نوێی بڵاوکردەوە لەبارەی هێرشەکەی 3ی نۆڤەمبەری شاری کەرکووک کەبووە هۆی كوژرانی پێنج چەكداری حەشـ،،ــدی شەعبی.

لە راگەیاندراوەکەدا هاتووە كە لە کەرکووک هێزەکانی هاوپه‌یمانان هێرشیان كردووەته ‌سه‌ر پێنج چه‌كدار کە ئاماده‌كارییان دەكرد بۆ هێرشێكی درۆنی.

ئاماژە بەوەش دراوە، هێزه‌كانی هاوپه‌یمانان بۆ به‌رگریكردن له‌ خۆیان، له رێگه‌ی درۆنه‌وه‌ وه‌ڵامی هێرشه‌كه‌یان داوەتە‌وه‌ و له‌ هێرشه‌كه‌دا هه‌ر پێنج چه‌كداره‌كه‌ كوژران و درۆنه‌كه‌ش تێكشكێندراوە.

فەرماندەیی ناوەندی سوپای ئەمەریكا ئەوەشی باس كردووە كە پێشوه‌خته‌ هێزه‌كانی عێراقیان له‌ هێرشه‌كه‌ ئاگادار کردووەتەوە و بەردەوامیش دەبن لە پاراستنی هێزەکانی ئەمەریکا و هاوپەیمانان لە دژی هێرشەکان.