2023-10-28 [09:13 AM]

کۆمپانیای وارنەر برەزەرز بڵاوکردنەوەی سێ فیلمی بۆ 2024 دواخست، لەوانە بەشی دووەمی فیلمی "Dune"، ئەمەش بەهۆی مانگرتنی ئەکتەر و نووسەرانی هۆلیوود کە کۆمپانیاکانی بەرهەمهێنان بە نا دادپەروەری لە کرێی کارکردن تۆمەتبار دەکەن و لە دژی بەکارهێنانی ژیری دەستکردن.

بەرهەمهێنەری فیلمەکە بڕیارە ئەم بەرهەمە سینەماییە لە 15ـی ئازاری 2024 لە سینەماکانی جیهاندا بڵاوبکاتەوە.

ئەو کۆمپانیایە هەروەها بڵاوکردنەوەی یەکێک لە بەرهەمە بەهێزەکانی دواخست، ئەویش فیلمی "Godzilla x Kong: The New Empire"یە کە بڕیاربوو لە ئازاری 2024 بڵاوبکرێتەوە و تەنیا یەک مانگ دواخراوە.

هەروەها فیلمی ئەنیمەیشنی "The Lord of the Rings: The War of the Rohirrim" لە نیسانی 2024 بۆ کانوونی یەکەمی هەمان ساڵ دواخستووە.