 |
|
|||
ZNA - هەولێر لە یارییەکانی هەفتەی 13ی خولی نایابی ئینگلتەرا، یانەی ئێڤەرتۆن لە یاریگای خۆی میوانداری مانچستەر یونایتدی کرد.
لە ئەنجامدا شەیتانە سوورەکان توانیان یارییەکە بە سێ گۆڵی بێبەرامبەر لە ئێڤەرتۆنی خاوەن یاریگا بباتەوە.
لە سەرەتای تایمی یەکەم و لە خولەکی 3دا، گارناچۆی یاریزانی لاوی ئەرجەنتین بە گۆڵێکی ناوازە یانەی مانچستەری پێشخست، دوای ئەوە بەدرێژایی تایمەکە هەردوو یانە چەندین هەوڵیاندا، بەڵام سەرکەوتوونەبوون و یارییەکە وەک خۆی مایەوە.
لە تایمی دووەمدا، مانچستەر یونایتد بەردەوامبوون لەسەر ئاستە بەرزەکەیان و توانیان دوو گۆڵی تر لە خولەکەکانی 56 و 75 لە ڕێگەی یاریزانان ڕاشفۆرد بە لێدانی سزا و ئەنتۆنی مارسیال تۆماریانکرد.
بەم سەرکەوتنە، مانچستەر یونایتد 24 خاڵی هەیە و لە پلەی شەشەم دێت، ئێڤەرتۆنیش تەنیا 4 خاڵی کۆکردۆتەوە. ئەم هەواڵە 433جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad