 |
|
|||
ZNA - هەولێر لە یاری لوتکەی هەفتەی 13ی خولی فەرەنسادا، یانەی پاریس سانجێرمان لە یاریگای خۆیدا ڕووبەڕووی مۆناکۆ بویەوە.
لە ئەنجامدا پاریس توانی یارییەکە بە پێنج گۆڵ بەرامبەر بە دوو گۆڵ شکست بە مۆناکۆ بهێنێت.
هەر لە تایمی یەکەمدا یاریێکی بەهێز بینرا و بەهێرشبردن دەستیان پێکرد، لە خولەکی 18دا پاریس گۆڵێکی لە ڕێگەی یاریزان گۆنزالۆ رامۆس تۆمارکرد، بەڵام تەنیا دوای چوار خولەک مینامینۆ گۆڵی بەرامبەری بۆ مۆناکۆ تۆمارکردەوە، دوای ئەوە ناوبژیوان لێدانێکی سزای بۆ پاریس هەژمارکرد و لە خولەکی 39 کیلیان ئێمباپێ بەسەرکەوتوویی جێبەجێکرد و یانەکەی پێشخست.
لە تایمی دووەم، پاریس سانجێرمان کۆنتڕۆڵی یاریەکەی کرد و توانی سێ گۆڵی تر لە خولەکەکانی 70 و 79 و 96 لەڕێگەی یاریزانان عوسمان دیمبلی، فێرێرا و کولۆموانی تۆمارکرد، مۆناکۆ گۆڵێکی تری لەڕێگەی باڵۆگەن لە خولەکی 75 تۆمارکرد و یارییەکەش بەو شێوەیە کۆتاییهات.
بەم سەرکەوتنە، یانەی پاریس بە کۆکردنەوەی 30 خاڵ پێگەی خۆی لە پێشەنگی ڕیزبەندی جێگیرکرد و مۆناکۆش بە 24 خاڵ لە پلەی سێیەمدایە . ئەم هەواڵە 400جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad