|
نڤیسینا:رێبوار حەمەلاو شوانی ئەم قەوارەیە كە ناوی هەرێمی كوردستانە و ماوەی زیاتر لە سێ دەیە حكوومرانی سەربەخۆیی خۆی بەڕێوە دەبات ، هیچ زڵهێز و داگیركەر و دەوڵەتێك پێی نەبەخشیووین ، بەڵكو بەرهەمی خەباتی دەیان ساڵە و خوێنی دەیان هەزار شەهید بۆ كوردوكوردستانە ،بەتایبەت لە ماوەی 32 ساڵی رابردوو هەرێمی كوردستان لە سەر ئاستی نێودەوڵەتیی و ناوچەیی وەك قەوارەیەكی دانپێنراو و فیدڕاڵییە، لەگەڵ هەوڵی زۆری عێراق و هەندێك لە وڵاتانی ناوچەكە لەماوەی رابردوو بۆ لاوازكردنی سەنگ و پێگەی گەلی كورد و قەوارەیەكەی بەڵام خۆراگرانە وەك چیایەكی پۆڵایین تا بە ئێستا بەرامبەر نەیارانی وەستاوەتەوە .
ئەوەی تا ئێستا دەبینرێت لە ژێر سێبەری داگیركاری دەوڵەتە زلهێزەكان_و ئینجا تورك و عەرەب و فارس بووتە بازرگانی نەوت و ئالۆزی زیاتری ناوچەو درووستكردنی شەڕی ناوخۆیی لەناو كورد و نەبوونی یەكریزی دوورخستنەوە لە ئایدولۆژی و باوەڕ بە كورد بوون ئەمانە تەنیا گۆشەی لەكێشەی كورد لەرۆژهەڵاتی ناوەڕاستە، پارادیمی كورد لە سەردەمی ئێستای پێشكەوتنی جیهان و تەكنۆلۆژیدا لەسەر زمان و كەلتوور و داب و نەریتە،
باب و باپیران و ئەوانەی كە رۆژگارێ هەڵیان داوە بۆ درووستكردنی دەوڵەتی كوردی
بەتایبەتی ئەگەر هەڵوەستەیەكی لە سەر رووداوەكانی رابردوو و ئێستامان بكەینەوە ، گرنگە ئەو راستییە لە بەرچاو بگرین كە هەموو دەستكەوت و گەشەسەندن و سەركەوتنە مەزنەكان بە تەبایی نێوماڵی كوردستانی بەدەستهاتوون ، بۆ قۆناغی ئێستاشمان كە هەموو رووداو و پێشهاتەكان ئاماژە بە رووداویی نوێ لە ناوچەكە و دەوروبەرمان بەتایبەت شەڕی نێوان حەماس و ئیسرائیل و ئینجا هێرشی مووشەكی حوسییەكان و شەڕی باشووری لوبنان و هێرش و پەڵاماردانی میلیشاكان بۆ سەر فرۆكەخانەی هەولێر و هەریر و ئینجا سەرهەڵدانی قەیرانی سیاسی بەڕێگەی دادگەی فیدڕاڵی بۆ دوورخستنەوەی سەرۆكی پەرلەمان محەمەد حەلبووسی وەك سوننە، بریاری گروپ و میلیشا شیعیەكان بۆ دەركردنی ئەمەریكا و هاوپەیمانانی لە عێراق و زۆركردنی فشارەكان بۆ سەر هەرێمی كوردستان بەڕێگەی رێگریكردن لە هەناردەكردنی نەوتی كوردستان و هاتنی چەندین كەشتیی و فرۆكەی جەنگیی بۆ رۆژهەڵاتی ناوڕاست و زۆربوونی هێرش و پەڵاماردانەكان بۆ سەر هێزەكانی ئەمەریكا و هاوپەیمانان و گرژبوونی رەوشی ئەمنیی و دەرچوونی میلیشاكان لە كۆنتڕۆڵی حكوومەت ،ئاماژەن بە رووداونی گۆڕانكاری گەورە لە سەر ئاستی عێراق و ناوچەكە ، چونكە عێراق ،چونكە لە سەرەتای دامەزراندنی عێراقەوە تا ئێستا لەسەر بنەمایەكی دروست و گونجاو و دەستێوەردانی وڵاتانی ناوچەكە لە كاروباری ناوخۆی عێراقدا جێگیر نەبووە و هەریەك لەو وڵاتانە دەبێت بەرنامە و بەرژەوەندییەكانی خۆیانی تێیدا جێبەجێ بكەن. هەروەها عێراق نەیتوانی لەماوەی 20 ساڵی رابردوویی ئازادبوون لە چەنگی دیكتاتۆری كە دەسەڵات كەوتە دەستی شیعیەكان نەیانتوانی نە فیدرٍاڵی و نە دادپەوەری و نەهاوبەشی و نە یەكسانی لە نێوان نەتەوە و پێكهاتە و ئایین و ئایینزاكان فەراهەم بكات و عێراق بەڕێوەببەن . هەروەها بوونی گەندەڵی كارگێڕی و دارایی دەبێتە هۆی تاڵانكردن، و هیچ كەرامەتێكی بۆ دامودەزگاكانی حكومەت نەهێشتۆتەوە.
ئەمڕۆ جیهان باسی پێشهاتی نوێی دەكات و لە ئێستادا سەرقاڵی كێشانی نەخشەی نوێی ڕۆژهەڵاتی ناوەڕاستن و ئەوەی بە ڕوونی لە پێشهات و ڕووداوەكانی ناوچەكەدا هەستی پێدەكرێت ئەوەیە كە هەرێمی كوردستان یەكێكە لەو ناوچانە ستراتیژی و سیاسی و جیۆئێكۆنۆمی كە دەوڵەمەندە بە سامانی وەك نەوت و غاز. چاوی وڵاتە زلهێزەكانی جیهان هەمیشە لەسەر ئەو سەرچاوە گرنگانەن.
بۆیە زۆر گرنگە ئێمە وەك گەلی كوردستان زۆر هوشیار و ئامادە بین و بزانین كە پێشهاتە نوێیەكان گەشە دەكەن و خۆمان بۆ هەموو سیناریۆ ناوخۆیی و ناوچەییەكان ئامادە بكەین بۆ ئەوەی هەموومان بتوانین بەرگریكاری حكومەتی هەرێمی كوردستان و ئاسایشی نەتەوە و نیشتمانەكەمان بین.
زۆر گرنگە هەموو لایەنەكانی كوردستان خۆیان لە بەرژەوەندی تەسكی حزبی بپارێزن و بیر لە داهاتوو و گۆڕانكاری نوێ بكەنەوە كە دەرفەتی زێڕینیان لەبەردەم گەلی كورددا هەیە، لە پێناو بەدەسهێنانی ئەو ماف و ئامانجانە كە دەیان ساڵە خەبات وقوربانیی بۆ بەدەبەخشین و چاوەروانی دەكەین
ئەم هەواڵە 484جار خوێندراوەتەوە |
