2023-11-13 [07:40 AM]

ئەمڕۆ دووشەممە، نرخی یەک بەرمیل نەوتی خاوی برێنت بە 80 دۆلار و 62 سەنت مامەڵەی پێوەدەکرێت بەراورد بە دوێنێ نرخەکەى دابەزیوە.

بەپێی داتاکانی بازاڕی جیهانی نەوت، نرخی یەک بەرمیل نەوتی خاوی ئەمەریکی بە 76 دۆلار و 37 سەنت مامەڵەى پێوە دەکرێت بەراورد بە دوێنێ نرخەکەى زیاتر لە دۆلارێك دابەزیوە.

گۆڕانکارى لە نرخی نەوت لە کاتێکدایە، هەریەک لە عێراق و روسیا و سعودییە و ئیمارات و جەزائیر و کوێت و عومان رایانگەیاند، بەشێوەیەکی خۆویستانە و بە ئامانجی سەقامگیری نرخی نەوت لە بازاڕەکانی جیهان و راگرتنی هاوسەنگی لە نێوان خواست و خستنە بازاڕدا بەرهەمهێنانی رۆژانەی نەوتیان کەمکردەوە.