|
نڤیسینا:نەوزاد زادە نەقەبی یا دیارە بزاڤا رزگاریخوازا گەلێ کوردستانێ هەر ل کەڤن دا هەتا نوکە هەرێما کوردستانێ ژی کو بەرهەمێ وێ بزاڤێ یە و پشتبەستن کریە و دکەت ل سەر بنەمایێن دیموکراتیێ و ئاشتی و پێکڤەژیانا ئاشتیانە بێ توندڕەوی و ڕەگەزپەرستیێ ،
ئەگەر پێتڤی هەبیت دەست دایە ڤەلڤینا چەکداری ژبۆی بەرەڤانی کرنێ ژخو ئەڤێ ژی وەکریە کو هەرێما کوردستانێ سەرنجا جیهانا ئازاد رابکێشیت و هەڤکار و پاڵپشتیا هەرێمێ بن چونکە ئەو دزانن کو پێکهاتەیێن نەتەوەیی و ئایینی جوراوجور د هەرێما کوردستانێ دا پێکڤە دژین ب شێوەیەکێ ئاشتیانە و حکومەتا هەرێما کوردستانێ ب یەکسانی سەرەدەریێ دگەل هاوولاتیان دکەت کو ئەڤەژی تشتەکێ سەرنج راکێش و دەگمەنە ل رۆژهەڵاتا ناڤین کو دەڤەرەکا پر ئالۆزی و توندڕەوی یە .
د ڤان گوڕانکاریێن د دەڤەرێ دا ب تایبەت پشتی شەڕێ بزاڤا حەماس و ئیسرائیلێ دیاربوو کو توندڕەوی ژبلی نەهامەتیێ و کارەساتان چ بەرهەمەکێ دی بۆ مللەتان نابیت کو مخابن گەلەک جاران کریارێن ب هەست و سوزان دهێنە کرن کارەساتێن گەلەک مەزن بۆ مللەتان چێدکەن چونکە ل دەستپێکێ بەرئەنجامێت وان کریارێن نە واقعی بەرچاڤ ناهێنە وەرگرتن یان گرنگی پێ ناهێنە دان .
ل دوماهیێ مە دڤێت دبێژین کو خوشبەختانە بزاڤا رزگاریخوازا گەلێ کوردستانێ و حکومەتا هەرێما کوردستانێ ژی هەر ل دەستپێکێ هەتا نوکە ب کریار و رەفتارێن خۆ یێن عەقلانی یێن دویر ژ توندیێ وەکریە کو جڤاکێ نێڤدەولەتی راستی و درۆستیا دوزا رەوایا گەلێ کورد بناسن و ببنە پاڵپشتێن مافێن ڕەوا یێن گەلێ کوردستانێ لەوما حزب و لایەنێن کوردستانێ داخازکرینە کو پالپشت و هەڤکاری سیاسەتا حکومەتا هەرێما کوردستانێ بن ل پێناڤ زێدەتر بهێزبوونا پاڵپشتی کرنا هەرێمێ د ناڤ جڤاکێ نێڤدەولەتی دا .
ئەم هەواڵە 523جار خوێندراوەتەوە |
