 |
|
|||
ZNA- هه‌ولێر ڕاوێژكارێكی سەرۆك وەزیرانی عێراق ئاشكرای كرد، كارئاسانییەك بۆ گواستنەوەی پارە بۆ بازرگانانی بچووك بۆ دەرەوە دەكرێت و دەشڵێت: ئەم هەنگاوە بەشدار دەبێت لە كەمكردنەوەی نرخی دۆلار لە بازاڕدا.فادی شەممەری، ڕاوێژكاری سەرۆك وەزیرانی عێراق، بە (ئاژانسی هەواڵی عێراق)ی ڕاگەیاند: "خزمەتگوزاری گواستنەوەی دارایی ڕاستەوخۆ بە شێوەی دیجیتاڵی لە ڕێگەی خزمەتگوزاریی (ڤیزا دایرێكت)ەوە دەست پێ دەكات.''سەبارە بەو خزمەتگوارییە گوتی: "بانكی ناوەندیی عێراق ئەو خزمەتگوزارییەی ڕاگەیاندووە، ئەویش بۆ ئاسانكاری و گواستنەوەی دارایی، بە هەماهەنگی لەگەڵ كۆمپانیای نێودەوڵەتیی (ڤیزا) و هاوكاری لەگەڵ بانكی یەكەمی عێراق دەكرێت.''فادی شەممەری ئەوەیشی خستە ڕوو: "هیوادارین هاووڵاتیان كارلێك لەگەڵ ئەم خزمەتگوزارییە بانكییەدا بكەن، كە یارمەتیدەر دەبێت لە بڕینی داهاتی چاوچنۆكەكان لە بازاڕی ڕەشدا، هەروەها خزمەتگوزاریی (ڤیزا دایرێكت) زۆرێك لە بازرگانانی بچووك لەخۆ دەگرێت و یارمەتیدەریان دەبێت بۆ دەستگەیشتن بە خزمەتگوزارییەكی ڕوون و ئاشكرا و فەرمی و پلاتفۆرمی یاسایی بۆ گواستنەوەی پارە بۆ دەرەوەی وڵات بەئاسانی و لە ئەكاونتێكەوە بۆ ئەكاونتێكی تر، بە نرخی فەرمی ئاڵوگۆڕکردن كە 132 هەزار دینارە بۆ هەر 100 دۆلارێك.''ئاشكراشی كرد: "ئەم خزمەتگوزارییە بەشدار دەبێت لە دابەزینی نرخی دۆلار لە بازاڕی هاوتەریبدا.''ڕاوێژكارەكەی سوودانی پێی وایە: "ئەم گۆڕانكارییە دەستكەوتێكی گەورەیە لە بواری دارایی و بانكی و بەڕێوەبردنی ئابووریدا، هەروەها هاوتایە لەگەڵ ئاڕاستە نوێیەكانی بانكی ناوەندی لە پرۆسەی دووبارە هەڵسەنگاندنەوە و دووبارە پێكهێنانەوە و ڕێكخستنەوە و پێگەیشتنی كاری بانكی لە عێراقدا.''گوتەكانی ئەو بەرپرسەی حكوومەتی عێراقی لە كاتێكدایە، ئەمڕۆ لە بازاڕەكانی عێراق و هەرێمی كوردستان 100 دۆلار بەرانبەرە بە 163 هەزار و 300 دینار.
شوان به‌رزنجی ئەم هەواڵە 649جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad