 |
|
|||
ZNA - هەولێر لە یاریێکی تری ئەمشەوی خولی یانە پاڵەوانەکانی ئەوروپا، یانەی ئینتەر میلان لە جوسێپی میزا میوانداری سالزبۆرگی نەمسایی کرد.
لە ئەنجامدا ئینتەری خاوەن یاریگا و هاندەر توانی یارییەکە بە دوو گۆڵ بەرامبەر بە گۆڵێک شکست بە سالزبۆرگ بهێنێت.
لە تایمی یەکەمدا، یاریزان ئەلێکسیس سانچێز توانی لە خولەکی 19دا گۆڵێک تۆماربکات و یانەکەی لەو تایمەدا پێشخست، دوای ئەو گۆڵە هەردوو یانە چەندین هێرشیان کردە سەر گۆڵی یەکتری بەڵام سەرکەوتوونەبوون و ئەو تایمە بەو تاکە گۆڵە کۆتاییهات.
لە تایمی دووەم سالزبۆرگی میوان بەم ئەنجامە ڕازی نەبوو توانی یارییەکە لە خولەکی 57 لەڕێگەی یاریزان ئۆسکار گلوخ ئەنجامەکە یەکسانبکاتەوە، دوای ئەو یاریزان هاکان چالشئوغلۆ لە خولەکی 64 بە لێدانی سزا یانەکەی پێشخست و گۆڵی سەرکەوتنی تۆمارکرد.
بەم ئەنجامە، یانەی ئینتەر میلان بووە خاوەنی 7 خاڵ و پێشەنگی کۆمەڵەکەیەتی، سالزبۆرگیش سێ خاڵی هەیە و پلەی سێیەمی گرتووە. ئەم هەواڵە 484جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad