 |
|
|||
ZNA - هەولێر لە دەستپێکی گەڕی سێیەمی قۆناغی کۆمەڵەکانی چامپیۆنزلیگ، یانەی بایرن لە دەرەوەی یاریگای خۆی ڕووبەڕووی گاڵاتەسەرای تورکی بوویەوە.
لە ئەنجامدا یانەی بایرنی ئەڵمانی توانی یارییەکە بە سێ گۆڵ بەرامبەر بە گۆڵێک شکست بە خاوەن یاریگا بهێنێت.
لە تایمی یەکەمدا یاریێکی بەهێز بینرا و لە خولەکی 8دا یاریزان کینگسلی کۆمان گۆڵی یەکەمی یانەی باڤاری تۆمارکرد، دوای چەندین هێرشی هەردوو یانە، ناوبژیوان لێدانێکی سزای بۆ گاڵاتەسەرای هەژمارکرد و لە خولەکی 30 یاریزان ئیکاردی ئەنجامەکەی یەکسانکردەوە و ئەو تایمە بەو شێوەیە کۆتاییهات.
لە تایمی دووەم، بایرن لە هەوڵەکانی بەردەوامبوو و توانی دوو گۆڵی تر لەڕێگەی یاریزانان هاری کەین و جەمال موسیالا لە خولەکەکانی 73 و 79دا تۆماربکات.
بەم سەرکەوتنە، بایرن پێگەی خۆی لە پێشەنگی گرۆپەکەی پتەوترکرد بە کۆکردنەوەی 9 خاڵ، یانەی گاڵاتەسەراش خاوەنی 4 خاڵە. ئەم هەواڵە 505جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad