2023-10-15 [10:57 AM]

سەرچاوەیەکی ئەمنی دەستگیرکردنی 3 چەکداری داعشی لە ئۆپەراسیۆنێکی ئەمنی لە ناوچە جیاجیاکانی پاریزگای ئەنبار راگەیاند.
سەرچاوە ئەمنییەکە لە بەیاننامەیەکدا ڕایگەیاندووە، "هێزە ئەمنییەکان هەڵمەتێکی ئەمنی پێشوەختەیان  لە قەزاکانی فەلوجە، کەرەمە و رومادییان ئەنجامدا و لە ئاکامدا 3 چەکداری داعشییان دەستگیرکرد.
ئاماژەی بەوەشکرد، "دەستگیرکراوەکان لە دیارترین داواکراوانن لەلایەن هێزە ئەمنییەکانەوە بە تۆمەتی پەیوەندیدار بە تیرۆر و هێرشکردنە سەر یەکە سەربازییەکان".
  گوتیشی: "پرۆسەی دەستگیرکردنەکە بەگوێرەی زانیارییە هەواڵگرییەکان بووە کە وایکردووە هێزە ئەمنییەکان بتوانن دەستگیریان بکەن بەبێ ئەوەی ناوی دەستگیرکراوەکان بە هۆکاری ئەمنی ناوببەن".