2023-10-14 [10:21 AM]

ئەمڕۆ شەممە، 14/10/2023 بەڕێوبەرایەتی پۆلیسی وزە دەستگیرکردنی دوو تۆمەتباری بەقاچاخبردنی بەرهەمی نەوتی لە پارێزگاکانی سەڵاحەددین و زی قار ڕاگەیاند.
بەڕێوبەرایەتی پۆلیسی وزە، لە ڕاگەیەندراوێکدا ئاشکرای کرد، "مەفرەزەکانی لیوای دوو و حەوتەمی پۆلیسی وزە دوو تۆمەتباریان دەستگیرکردووە، هەروەها دەستیان بەسەر ئۆتۆمبێلەکانیاندا گرتووە کە مەبەست لێی ڕیسایکڵکردن و بە قاچاخبردنی بەرهەمە نەوتییەکان بووە لە پارێزگاکانی سەڵاحەددین و زی قار".
ئاماژەی بەوەشکرد، "تۆمەتباران ڕاگیراون و دەست بەسەر ئۆتۆمبێلەکاندا گیراوە بۆ تەواوکردنی ڕێکارەکانی لێکۆڵینەوە و رادەستکردنیان بەلایەنی دەسەڵاتی دادوەری".