فۆتۆ: سەردار قادر
	2023-10-03 [04:43 AM]

رۆژی سێشەممەی رابردوو لە هۆڵی محەمەد عارف لە کۆلێژی هونەرە جوانەكانی هەولێر، تێزی دكتۆرای ئامانج غازی تاوتوێكرا.

بە ئامادەبوونی فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەك لە بەرپرسان، مامۆستایان، قوتابییان، هونەرمەندان و كەسوكاری قوتابی، تێزی دكتۆرای ئامانج غازی رواندزی لەژێر ناونیشانی "خستنەكاری كەلەپووری گۆرانی لە موزیكی هاوچەرخی كوردیدا" تاوتوێکرا.

تێزەکە بە سەرپەرشتیی پ.ی.د. محەمەد عەزیز شاكر زازا و پ.ی.د. محەمەد عەبودوڵا كاكەسوور و ئەندامێتیی لێژنەیەك لە پسپۆران، تاوتوێ كرا.

دوای پەسەندكردنی تێزەكە، فەرهەنگ غەفوور و بەشێك لە ئامادەبووان، چەپكەگوڵی پیرۆزبایی پێشكەش بە هونەرمەند ئامانج غازی کرد.