2023-10-10 [10:43 AM]

وەزارەتی ناوخۆ، ئەمڕۆ سێشەممە، کوشتنی بازرگانێکی ماددەی هۆشبەری ڕاگەیاند، دوای ئەوەی هەوڵی هەڵهاتنیدا لە نزیک پردی ئەلموسەنا لە بەغدا.
میقداد میری گوتەبێژی وەزارەتی ناوخۆ لە بەیاننامەیەکدا ڕایگەیاند، بازرگانێکی ماددەی هۆشبەر لە نزیک پردی ئەلموسەنا لە بەغدا، هەوڵیدا لەدەست هێزە ئەمنییەکان هەڵبێت، دواتر شەڕە تەقە دروست بوو، لە ئەنجامدا دوو ئەفسەر و هاووڵاتییەک بریندار بوون، بازرگانەکەش بریندار بووە، دوای گواستنەوەی بۆ نەخۆشخانە گیانی لەدەستداوە. 
ئاماژەی بەوەشکرد، دەست بەسەر دەمانچەیەکی ئێچ ئێسی تۆمەتبارەکە گیراوە.