 |
|
|||
ZNA - هەولێر لە یاریەکانی هەفتەی نۆیەمی خولی ئیسپانیا، یانەی ڕیاڵ مەدرید لە یاریگای سانتیاگۆ بێرنابیۆ میوانداری یانەی ئۆساسۆنای کرد.
یانەی شاهانە بە ئاسانی و بە چوار گۆڵی بێبەرامبەر سەرکەوتنی بەسەر ئۆساسۆنای میوانی بەدەستهێنا.
هەر لەگەڵ فیکەی ناوبژیوان یانەی مێرنگی باشتر بینرا و لە خولەکی نۆی یارییەکە یاریزان بێلینگهام گۆڵی پێشکەوتنی یانەی شاهانەی تۆمارکرد و ئەو تایمە بەو تاکە گۆڵەکۆتاییهات.
لە تایمی دووەمدا یانەی ڕیاڵ مەدرید بەهێزتر گەڕایەوە و لە خولەکی 54 بیلینگهام دووەم گۆڵی خۆی و یانەکەی تۆمارکرد، تەنیا نۆ خولەکی ویست بۆ ئەوەی ڤینیسیۆس جۆنیۆر سێیەم گۆڵ تۆماربکات و لە خولەکی 70 خۆسێلۆ گۆڵی چوارەم و دڵنیایی تۆمارکرد.
سەرەنجام یانەی ڕیاڵ مەدرید بەم سەرکەوتنە بە کۆکردنەوەی 24 خاڵ لە پێشەنگی ڕیزبەندی خولەکە دێت. ئەم هەواڵە 517جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad