 |
|
|||
ZNA - هەولێر لە گەڕی هەشتەمی خولی ئینگلتەرا یانەی مانچستەر یونایتد لە یاریگای خۆی ڕووبەڕووی یانەی برینتفۆردی بویەوە.
لە ئەنجامدا شەیتانە سوورەکان توانیان یارییەکە بە زەحمەت و بە دوو گۆڵ بەرامبەر بە گۆڵێک ببەنەوە.
لە تایمی یەکەمدا دوای چەندین هەوڵی هەردوو یانە، یانەی برینتفۆردی میوان دەستپێشخەری کرد و یاریزان ماسیاس لە خولەکی 26 یانەی برینتفۆرد گۆڵی پێشکەوتنی تۆمارکرد.
لە تایمی دووەم مانجستەر یونایتد باشتر دەرکەوت و توانی دوو گۆڵ لەڕێگەی یاریزان ماکتۆمینای لە خولەکەکانی سێی زیادکرا و حەوتی زیادکراودا تۆماربکات و سێ خاڵی گرنگ و زەحمەت بەدەست بهێنێت.
لە یاریێکی تری پرێمەرلیگ، یانەی چێڵسی لەدەرەوەی یاریگای خۆی ڕووبەڕووی بێرنلی بوویەوە، لە ئەنجامیشدا یانەی بلۆز توانی بە چوار گۆڵ بەرامبەر بە گۆڵێک بە خاوەن یاریگا بهێنێت.
بەم سەرکەوتنە یانەی مانچستەر یونایتد بە کۆکردنەوەی 12 خاڵ ئێستا لە پلەی نۆیەمی ڕیزبەندییە و چێڵسیش 11 خاڵی هەیە ولە پلەی دەیەم دێت. ئەم هەواڵە 568جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad